Лондоннинг «Тоттенхэм» клуби бош мураббийи Антонио Конте АПЛни тарк этиб, Италия чемпионатига қайтиши мумкин, деб хабар бермоқда Gazzetta dello Sport журналистлари.
Манбага кўра, А Сериянинг икки топ вакили ушбу мутахассис хизматига дарҳол қизиқиш билдирмоқда.
Гап Туриннинг «Ювентус»и ва Миланнинг «Интер»и ҳақида кетмоқда. Қайд этиш жоиз, Антонио ҳар икки клубда ҳам ишлаган.
Конте 2021 йилнинг ноябридан бери лондонликлар бош мураббийи ҳисобланади. Томонлар ўртасидаги амалдаги шартнома муддати тугаши билан у Италияга қайтиши мумкин.
27 турдан кейин «шпорлар» 48 очко жамғариб, АПЛ турнир жадвалида тўртинчи ўринни эгаллаб турибди.
