Мюнхеннинг «Бавария» клуби расмий манбалар орқали Американинг «Лос-Анжелес» клуби билан ҳамкорлик шартномаси имзоланганини эълон қилди.
Клублар штаб-квартираси Мюнхенда жойлашган қўшма корхона яратишди. Ҳамкорликдан мақсад ёш футбол иқтидорларини ривожлантиришдан иборат.
Мюнхеннинг «Бавария» клуби спорт директори Оливер Кан таъкидлаганидек, бундай ҳамкорлик шартноманинг ҳар икки томонига ҳам фойдали бўлади, чунки бу ёш футболчилар учун мўлжалланган.
Айни дамда «Бавария» Бундеслиганинг 24-туридан кейин 52 очко билан турнир жадвалида пешқадамлик қилмоқда. Иккинчи ўриндаги фарқ икки очкони ташкил этади.
