Myunxenning «Bavariya» klubi rasmiy manbalar orqali Amerikaning «Los-Anjeles» klubi bilan hamkorlik shartnomasi imzolanganini e’lon qildi.

Klublar shtab-kvartirasi Myunxenda joylashgan qo‘shma korxona yaratishdi. Hamkorlikdan maqsad yosh futbol iqtidorlarini rivojlantirishdan iborat.

Myunxenning «Bavariya» klubi sport direktori Oliver Kan ta’kidlaganidek, bunday hamkorlik shartnomaning har ikki tomoniga ham foydali bo‘ladi, chunki bu yosh futbolchilar uchun mo‘ljallangan.

Ayni damda «Bavariya» Bundesliganing 24-turidan keyin 52 ochko bilan turnir jadvalida peshqadamlik qilmoqda. Ikkinchi o‘rindagi farq ikki ochkoni tashkil etadi.