Афтидан, Карло Анчелотти жорий мавсум якунида «Реал Мадрид»ни тарк этади. 

TodoFichajes хабарига кўра, Мадрид клуби аллақачон жамоага янги мураббий излаш устида ишламоқда. «Қаймоқранглилар» томонидан биринчи рақамли номзод сифатида Маурисио Почеттино танланди.

«Реал Мадрид» раҳбариятининг фикрича, Маурисио Почеттино испан футболини яхши билади, шунингдек, катта профессионал тажрибага эга.

Қолаверса, аргентиналик футболчи бир кун келиб «Сантьяго Бернабеу»га ишга жойлашишга тайёрлигини айтган.

Эслатиб ўтамиз, Маурисио Почеттино «ПСЖ»ни тарк этганидан сўнг ўтган ёздан бери ишсиз эди.