"Бавария" ҳимоячиси Бенжамен Павар жамоадаги келажаги ҳақида гапирди.
“Мен бахтлиман ва ўйинимдан завқланаман. Қолганига келсак, ёзда кўрамиз. "Бавария" раҳбарлари билан музокаралар бўладими? Билмайман. Эътиборимни навбатдаги ўйинларга қаратганман", - дейди футболчи.
Шунингдек, 26 ёшли футболчидан “Барселона”га ўтиш ҳақида сўралганда, у кулиб юборгани хабар қилинган.
Ҳимоячи немис клубида 2019 йилдан буён ўйнаб келмоқда. Жорий мавсумда Павар “Бавария” сафида барча турнирлар доирасида 31 та ўйинда майдонга тушиб, 6 та гол урди ва 1 та голли узатмани амалга оширди. Унинг шартномаси 2024 йилнинг ёзига қадар тузилган.
