"Манчестер Юнайтед"нинг аргентиналик ярим ҳимоячиси Алехандро Гарначо жароҳати туфайли узоқ вақтга сафдан чиқди, деб хабар беради Manchester Evening News.
Яқин орада аргентиналик тиббий кўрикдан ўтади ва бу кўрикда тикланишнинг аниқ муддати аниқланади. Ярим ҳимоячи Англия чемпионатининг 27-туридан ўрин олган "Саутгемптон"га қарши ўйинда (0:0) жароҳат олиб, стадионни қўлтиқоёқда тарк этди.
18 ёшли Гарначо жорий мавсумда “Манчестер Юнайтед” сафида барча турнирларда 32 та ўйинда майдонга тушиб, 5 та гол урди ва 6 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
