"Реал" ярим ҳимоячиси Дани Себальос Мадрид клубидаги келажаги ҳақида гапирди.
"Шартномам тугашига 3 ой қолди - кейин керакли одамлар, шунингдек, оилам билан гаплашаман. Мен дам олишни хоҳлайман. Агар мен бунга лойиқ бўлмасам, янги шартномани хоҳламайман", - дея футболчининг сўзларини келтиради Movistar.
Себальос 2017 йилдан бери "Реал" сафида тўп суради. 26 ёшли испанияликнинг клуб билан шартномаси 2023 йилнинг 30 июнига қадар тузилган. Transfermarkt портали футболчининг нархини 9 миллион еврога баҳоламоқда.
2022/23 йилги мавсумда Себальос барча мусобақаларда 29 та ўйинда майдонга тушиб, 1 та гол урди ва 6 та голли узатмани амалга оширди.
