«Бавария» дарвозабони Ян Зоммер мюнхенликлар ҳимоячиси Маттейс де Лигтга берган ваъдасини бажарди.
Дарвозабон Мюнхенга Швейцариядан 700 кг шоколад солинган юк машинасини юборди. Аммо етиб келишига 10 дақиқа қолганида юкни расман «Бавария»га топшириш мумкин эмаслиги маълум бўлди.
«Мюнхендан 10 дақиқа олдин биз ёмон хабарни билиб олдик: шоколад юк машинасини клубга расман топширишга рухсат берилмаган», - дея Зоммернинг сўзларидан иқтибос келтирди Bild.
Шоколад камбағалларга берилиши учун озиқ-овқат тарқатувчи «Тафель» хайрия ташкилотининг Мюнхен бўлимига юборилган.
Олдинроқ, Зоммер голландиялик футболчини Чемпионлар лигаси 1/8 финалидаги «ПСЖ» билан жавоб ўйинида (2:0) қутқаргани учун бир юк машина шоколад беришни айтганди.
