«Bavariya» darvozaboni Yan Zommer myunxenliklar himoyachisi Matteys de Ligtga bergan va’dasini bajardi.

Darvozabon Myunxenga Shveysariyadan 700 kg shokolad solingan yuk mashinasini yubordi. Ammo yetib kelishiga 10 daqiqa qolganida yukni rasman «Bavariya»ga topshirish mumkin emasligi ma’lum bo‘ldi.

«Myunxendan 10 daqiqa oldin biz yomon xabarni bilib oldik: shokolad yuk mashinasini klubga rasman topshirishga ruxsat berilmagan», - deya Zommerning so‘zlaridan iqtibos keltirdi Bild.

Shokolad kambag‘allarga berilishi uchun oziq-ovqat tarqatuvchi «Tafel» xayriya tashkilotining Myunxen bo‘limiga yuborilgan.

Oldinroq, Zommer gollandiyalik futbolchini Chempionlar ligasi 1/8 finalidagi «PSJ» bilan javob o‘yinida (2:0) qutqargani uchun bir yuk mashina shokolad berishni aytgandi.