Агент Жорже Мендеш ҳужумчи Ансу Фати учун Англия Премьер-лигаси клубларидан бирида иш топишга ҳаракат қилди.
20 ёшли футболчи Хави Эрнандес жамоасида асосий таркибда ўринга эга эмас ва ёзги трансфер ойнасида ҳужумчининг сотилиши ҳақида ОАВда анчадан буён гап-сўзлар юрибди. Журналист Елена Кондиснинг ёзишича, агент Жорже Мендеш аллақачон Фати билан инглиз клубларига шартнома имзолашни таклиф қилган, бироқ испанияликнинг ўзи яқин келажакда "Барселона"ни тарк этишни режалаштирмаяпти.
Ансу Фати жорий мавсумдаги 37 та ўйинда 6 та гол ва 3 та голли узатмага муаллифлик қилган. Transfermarkt портали унинг қийматини 50 миллион еврога баҳоламоқда.