Фернандо Морьентес УEФА Чемпионлар лигаси 1/8 финали жавоб учрашувида "Реал"нинг "Ливерпуль" устидан қозонилган ғалабаси ҳақида гапирди. Учрашув 1:0 ҳисобида “қаймоқранглилар” фойдасига ҳал бўлди. Ягона голга франциялик Карим Бензема муаллифлик қилди.
“Ўйин мадридликлар фойдасига ўтди. Аввалига улар учун осон бўлмади, лекин буни кутиш мумкин эди. Танаффусдан сўнг "Реал Мадрид" бутунлай хотиржам бўлди ва узоқ вақт алмаштиришларсиз ҳаракат қила олди", - дейди Морьентес.
Эслатиб ўтамиз, биринчи ўйинда Карло Анчелотти шогирдлари 5:2 ҳисобида ғалаба қозонган эди. "Реал Мадрид"нинг навбатдаги рақиби 17 март куни қуръа ташлаш маросимида аниқланади.
