ЕЧЛ. «Реал» - «Ливерпуль» ўйинидан кейин юзага чиққан рақамлар ва фактлар

Европа Чемпионлар Лигасининг 1/8 финал жавоб ўйинида “Реал” “Ливерпуль”ни 1:0 ҳисобида мағлуб этиб, чорак финалга йўл олди.

Жамоалар ўртасидаги дастлабки учрашувда 5:2 ҳисобида мадридликларнинг қўли баланд келганди. Шу тариқа “Реал” сўнгги 8 ўйиндан буён мерсисайдликлар билан ўйинда мағлубиятга учрамаяпти. 2021 йил 14 апрелда иккала жамоа ўртасидаги ўйин 0:0 ҳисобида якунланган. Қолган 7 та ўйинда “қаймоқранглилар” зафар қучган. Тўплар нисбати — 17:4.

Мадриднинг “Реал” жамоаси ўз тарихида 19 марта мусобақа чорак финалига йўл олди. Бу борада фақатгина “Бавария” улардан олдинда. Мюнхенликлар 21 марта ЕЧЛ чорак финалига чиққан.

“Ливерпуль” Юрген Клопп қўл остида фақатгина испан клубларига мағлуб бўлган ҳолда Еврокубоклардан чиқиб кетмоқда. Немис мутахассиси инглиз жамоасида 8 мавсуми давомида 2019 йилда Чемпионлар Лигаси, ўша йилнинг ўзида Европа Суперкубоги ва сал кейинроқ клублар ўртасидаги Жаҳон чемпионатида зафар қучган.

2016 йил Европа Лигаси финалида “Севилья”га мағлуб бўлган. 2017/18 йилги мавсум Чемпионлар Лигаси финалида “Реал”га имкониятни бой берган. 2019/20 йилги мавсумда эса “Атлетико” 1/8 финалда мерсисайдликларни тўхтатиб қолган. 2020/21 йилги мавсумда “Реал” тўсиғидан ўтолмаган. 2021/22 йилги мавсум финалда ҳам “Реал” “шалпангқулоқ”ни илиб кетган.

“Қизиллар” мураббийи Юрген Клопп ўйин ҳақида:

“Мусобақада қолиш учун 2:5 ҳисобини йўққа чиқариш керак эди. Бу эса жудаям ўзгача ўйин талаб этади, биз буни уддалай олмадик.

“Реал”да имкониятлар кўп бўлди, Алиссон иккита ажойиб сейвни амалга оширди. Ким кейинги босқичга ҳақли бўлса, ўша ғалаба қозонди. Тан олиш лозим.

Бундай ўйинларда вазиятлар яратиш керак. Сўнгги 4 та бўлимнинг 3 тасида мадридликлар яхшироқ ўйнади. Агар бугун ғалаба қозониб, кейинги босқичга чиққанимизда, барибир мусобақадан чиқиб кетардик”.

“Реал” устози Карло Анчелотти ҳам ўйиндан сўнг ўз фикрлари билан бўлишди:

“Яхши ўйин кўрсатдик деб ўйлайман. Вазиятлар бўлди ва ҳимояда ҳам ишончли ўйнадик. Бу биз кўрсатмоқчи бўлган ўйин эди.

Модрич ва Кроос прессингда жуда яхши ишлади. Захиралар? Мен охирроқда вақтдан ютиш учун футболчи алмаштирдим. Ҳар бир дақиқада яхши ўйнадик”.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

ЕЧЛ. «Реал» - «Ливерпуль» ўйинидан кейин юзага чиққан рақамлар ва фактлар

ЭНГ КЎП ЎҚИЛГАН ЯНГИЛИКЛАР