Англия терма жамоасининг собиқ ҳимоячиси Рио Фердинанд “Реал” ҳужумчиси Винисиус Жуниорни бошқа жамоалардаги ҳамкасблари билан солиштирди. Собиқ футболчи “ПСЖ” ва “Манчестер Сити”дан Килиан Мбаппе ва Эрлинг Холандни мисол қилиб келтирди, шунингдек, “Манчестер Юнайтед”дан Маркус Решфорд ва “Арсенал” футболчиси Букайо Сакани тилга олди.
“Винисиус Мбаппе ва Холанддан бир поғона пастроқ, тўғрими? Менимча, Рэшфорд ва Сака бир хил даражада. Лекин бу йигит... Унинг мен айтиб ўтганлардан фарқи шундаки, у буни Чемпионлар Лигаси плей-офф босқичида амалга оширди, у жамоанинг муҳим ўйинчиси сифатида ушбу турнирда ғолиб чиқди.
Замонавий футболнинг муҳим таркибий қисми бу тезликдир. У ҳимоячиларнинг қўрқинчли тушидир. Винисиус нафақат тезлик, балки ундан фойдаланиш қобилиятига ҳам эгадир", - дея Фердинанднинг сўзларини келтиради BT Sport.
