“Вест Хэм” ҳужумчиси Жанлука Скамакка Италия чемпионатига қайтиши мумкин. 24 ёшли футболчи Туриннинг "Ювентус" клуби қизиқишлари доирасига тушиб қолди.
Gazzetta dello Sport хабарига кўра, марказий ҳужумчи Душан Влахович жамоани тарк этса, "кекса сеньора" Скамакага таклиф билан чиқади.
Премьер-лиганинг жорий мавсумида Скамакка "болғачилар" сафида 16 та ўйинда майдонга тушди ва 3 та гол урди. Унинг лондонликлар билан шартномаси 2027 йилнинг ёзига қадар мўлжалланган ва трансфер нархи 30 миллион еврога баҳоланмоқда.
