"Динамо" бош мураббийи Вадим Абрамов Про лиганинг биринчи туридан ўрин олган "Машъал"га қарши учрашувдан сўнг фикрларини билдириб ўтди.

- Ўйин ҳақида

- Биринчи навбатда мавсумнинг очилиш ўйини билан барчани, мухлисларни табриклайман. Илк тур доим қийин ўтган. Чемпионат бошланиши 2-3та ўйин оғир бўлади. Кейинчалик мослашиб кетилади. Натижамиз яхши, лекин ўйинимиз борасида камчиликларимиз бор. "Машъал" яхши жамоа, улар билан қишки ўқув-машғулот йиғинлари доирасида икки маротаба учрашган эдик. Ўйинга бўлган режаси борлиги маълум эди. Бизни қарши ҳужумда ушлашганди. Бугун ҳам шундай бўлиб чиқди. Футболчиларга раҳмат айтаман, қандай ўйнаш керак бўлса, шундай ҳаракат қилишди.

- Легионерларнинг ҳаракатидан қониқдингизми?

- Легионерлар яхши тўп тепишди. Ўзларини кўрсата олишди. Бироқ 3:0 вақтида футболчилар бироз нотўғри ўйнашди. Бу хавотир оладиган жиҳат бўлди. Биринчи бўлимда ҳам вазиятлар бўлди, шошилдик. "Машъал" билан ҳаммага қийин кечиши аниқ. Натижадан мамнунман.

- Жамоа олдига қандай мақсад қўйилган?

- Энди биринчи ўйин якунланди. Бу ҳақда гапиришга эрта, деб ўйлайман. Ҳаммасини вақт кўрсатади, камроқ гапириб, кўпроқ ишлашимиз керак.