14 сентябрь куни "Пахтакор" ўз уйида Муборакнинг "Машъал" билан олий лиганинг 19-тур баҳслари доирасида майдонга тушади.
   
“Пахтакор” ва “Машъал” олий лигада ўзаро 25 марта куч синашишган. “Шерлар” ушбу ўйинларнинг 16 тасида ғалаба қозонишган бўлса, 4 та ўйинда “Машъал” зафар қучган. Яна 5 та ўйинда томонлар очколарни бўлиб олишган. Жамоамиз ўзаро ўйинларда 47 та тўп киритиб 18 та гол ўтказиб юборган.

Ҳар иккала жамоа сафида дисквалификацияга учраган ўйинчилар бор. Жамоамиз марказий ҳимоячиси Егор Кримец, Муборакликлар таркибида эса Илья Фомичев ҳамда Игор Петковичлар 14 сентябрь кунги ўйинда майдонга туша олишмайди.

Биринчи даврада Муборакда бўлиб ўтган ўйинда “шерлар” 3:0 ҳисобидаги йирик ғалабага эришишганди. Ўша баҳсда Иралки Климиашвили, Илҳом Суюнов ва Темурхўжа Абдухолиқов майдон эгалари дарвозасини ишғол қилишганди.

Ёшлар лигасидаги бу жамоаларнинг баҳси 13 сентябрь куни соат 16:30да Қибрайдаги стадионда бўлиб ўтса, асосий таркиблар 14 сентябрь куни “Пахтакор” Марказий стадионида бўлади. Ўйин соат 18:30да бошланади.

«Пахтакор» – «Машъал»
Ҳакамлар: Марат Муҳамедов (Тошкент вилояти), Евгений Закутилин (Навоий), Рашид Ғопуров (Наманган), Д. Каримов (Тошкент).
Назоратчи: Фарҳод Абдуллаев (Тошкент).