Италия терма жамоаси бош мураббийи Роберто Манчини Чемпионлар лигаси чорак финалига бирданига учта итальян клуби чиққани ҳақида фикр билдирди.
Эслатиб ўтамиз, «Милан», «Интер» ва «Наполи» мусобақанинг ушбу босқичига етиб келишди. Манчини Италия футболи айни дамда уйғониш даврини бошдан кечирмоқда, деган фикрга қўшилмайди.
«Агар 33 нафар италиялик футболчи майдонда бўлганида, эҳтимол гапингиз тўғридир. Аммо Италия ЖЧни ўтказиб юборди. Футболчиларнинг терма жамоадаги ҳолатини ҳам ҳисобга олиш керак», - деди Манчини матбуот анжуманида.
Эслатиб ўтамиз, Италия терма жамоаси ўтган йил охирида Қатарда бўлиб ўтган жаҳон чемпионатига чиқа олмади. Шунга қарамай, «Скуадра Адзурра» амалдаги Европа чемпиони ҳисобланади.
