Австриянинг "Зальцбург" клуби ҳужумчиси Ноа Окафор фаолиятини Англия Премьер-лигасида давом эттириши мумкин. Daily Mail хабарига кўра, футболчининг хизматларига Лондоннинг "Арсенал" клуби қизиқиш билдирмоқда.
"Канонирлар" раҳбарияти 22 ёшли швейцариялик футболчи жамоанинг ҳужум чизиғига ўзгарувчанлик қўшишига ишонишмоқда. Футболчи учун курашда Лондон клубининг рақиблари “Тоттенхэм” ва “Милан”дир.
Окафорднинг "Зальцбург" клуби билан шартномаси 2024 йилнинг ўрталарига қадар тузилган. Унинг трансфер нархи 22 миллион еврога баҳоланмоқда.
Австрия чемпионатининг жорий мавсумида ҳужумчи 19 та ўйин ўтказиб, 7 та гол урган.
