"Ливерпуль" "Монако" спорт директори Пол Митчелл билан музокаралар олиб бормоқда.

Клуб спорт директори лавозимида ишлаган Майкл Эдвардс билан ўтган ёзда хайрлашган "Ливерпуль", Эдвардсни ўрнини эгаллаган спорт директори Жулиан Уорд билан жорий мавсум якунида хайрлашади.

Уорднинг кетиши ноябрь ойида эълон қилинган эди, шунинг учун "Ливерпул"да унинг ўрнини босувчи спорт директорини танлаш учун кўп вақт бор эди.

Get French Football News нашри хабарига кўра, "Ливерпуль" Митчелл билан музокаралар олиб бормоқда, аммо у ёзги трансфер ойнаси охиригача "Монако" билан боғлайдиган мажбуриятларга эга.

"Саутгемптон" ва "Тоттенхэм" клубларининг селекция бўлими бошлиғи бўлиб ишлаган Митчеллни "Челси" ва "Манчестер Юнайтед" ҳам ўз сафига чорлаганди.