"Барселона" ярим ҳимоячиси Серхио Бускетс клуб билан янги шартнома борасида келишувга эришди.

Эслатиб ўтамиз, амалдаги шартнома жорий мавсум якунланганидан кейин тугайди. 34 ёшли ярим ҳимоячида фаолиятини давом эттириш учун турли хил вариантлар бор, жумладан, АҚШ ва Саудия Арабистонига кўчиб ўтиш, аммо журналист Хави Мигелнинг сўзларига кўра, у шунга қарамай "Барселона" билан шартномасини узайтиришга рози бўлган. Томонлар янгиланган шартнома шартларини келишиб олдилар.

Серхио Бускетс 2008 йилдан бери "кўк-анорранглилар" шарафини ҳимоя қилмоқда. У жорий мавсумда 33 та ўйинда майдонга тушиб, 3 та голли узатмани амалга оширган.