"Интер"нинг собиқ футболчиси Андреа Раноккия ўтган йили "Милан" бош мураббийи Стефано Пиолини Италия чемпиони бўлгани билан табриклаганини айтди. "Милан" ўн бир йиллик танаффусдан сўнг илк бор чемпион бўлди.
"Мен унга ёздим, табрикладим. Биз у билан бир муддат “Интер”да ишлаганмиз. Унинг жуда яхши штаби бор ва ўзи ҳам яхши ишлайди. У чиндан ҳам чемпионликни қўлга киритди, жамоада ўзгача нимадир топиб, ундан мушт ҳосил қилди", - деди Раноккия pianetamilan.it билан суҳбатда.
Эслатиб ўтамиз, Андреа ўтган йили "Монца" учун бир нечта ўйиндан сўнг футболчилик фаолиятини якунлашга қарор қилганди.
