Франциянинг "ПСЖ" клуби ярим ҳимоячиси Марко Верратти Париж клуби билан Чемпионлар лигасида ғолиб чиқишни хоҳлашини айтди, шунингдек, танқидга ўрганиб қолганини ҳам қайд этди.
"Танқид футболнинг бир қисми. Мен 30 ёшдаман ва олдинга интиламан. Ҳозир мен Парижда яхши ишлаяпман, "ПСЖ" билан Чемпионлар лигасида ғалаба қозонишни орзу қиламан ва бунинг учун имконият бор экан, бор кучимни ишга соламан", - деди Верратти.
30 ёшли Верратти жорий мавсум "ПСЖ" сафида барча турнирларда 30та ўйинда майдонга тушиб, 1та голли узатмани амалга оширди. Италиялик футболчи 2012 йилдан буён "ПСЖ"да ўйнайди. Унинг клуб билан шартномаси 2026 йилгача мўлжалланган.