Астана шаҳрида бўлиб ўтаётган Қозоғистон ва Ўзбекистон терма жамоалари ўртасидаги Девис кубоги баҳсининг биринчи кунги ўйинларидан кейин ҳисоб тенглашди.

Ҳамюртимиз Фаррух Дўстов Қозоғистоннинг биринчи рақамли теннисчиси Михаил Кукушкин билан баҳс олиб борди. Ўйиннинг 1 ва 2-сетларида қозоғистонлик спортчи ўз устунлигини намойиш қилиб, 6-2 ва 6-4 ҳисобида ғалаба қозонди. Учинчи сетда эса Фаррух 6-3 ҳисобида рақибидан устун келди.

Тўртинчи сет эса анча қизиқарли кечди. Сет бошида Дўстов рақибининг геймида очко олишга муваффақ бўлганди. Аммо кейинчалик Кукушкин ҳам брейкка эришиб, ҳисобни тенглаштирди. Баҳс эса тай-бреккача давом этди. "Лоторея"да қозоғистонлик спортчининг қўли баланд келди - 7-5. Сетлар бўйича ҳисоб 3-1 ва Кукушкин ғалаба қозонди.

Эртага жуфтликлар ўртасида битта баҳс бўлиб ўтади. Юртимиз номидан унда Денис Истомин ва Фаррух Дўстов иштирок этишса, Қозоғистон томонидан Андрей Голубев ва Юрий Шукин кортга чиқади.