"Бавария" раҳбарияти нима сабабдан жамоа бош мураббийи Юлиан Нагельсманни истеъфога чиқаришга қарор қилгани маълум бўлди. Бу ҳақда инсайдер Флориан Плеттенберг ижтимоий тармоқлар орқали маълум қилди.
Журналистга маълум бўлишича, немис гранди жамоанинг Германия чемпионатида муваффақият қозона олмаганидан ҳафсаласи пир бўлган. Раҳбарият Нагельсманн бошчилигида жамоа ёшлари ривожланишдан тўхтаганини сезди.
"ПСЖ" ва "Челси"нинг собиқ бош мураббийи Томас Тухель "Бавария"нинг янги устозига айланади.
Германия чемпионатининг 25-тури якунларига кўра, Мюнхен клуби 52 очко жамғариб, пешқадам “Боруссия”дан бир очко ортда қолмоқда.
