Нидерландия терма жамоаси ҳимоячиси Виржил ван Дейк товуқли карридан заҳарланиб, бир неча футболчи терма жамоани тарк этгани ҳақидаги миш-мишларга изоҳ берди. Футболчи жиддий йўқотишларга қарамай, голландлар ўзларини кўрсата олишларига ишонмоқда.
“Бу гап қаердан келганини билмайман. Мен ҳам товуқли карри едим ва у мазали эди. футболчиларнинг захарланишига бу сабаб бўлганми? Умуман хабарим йўқ.
Албатта, бу терма жамоа учун жуда катта зарба, лекин йигитлар нимага қодирлигини кўрсатиши керак. Мен уларга ишончим комил”, дейди ван Дейк.
Роналд Куман бошчилигидаги мураббийлар штаби кейинги ўйинларда дарвозабон Барт Вербругген, ҳимоячилар Маттейс де Лигт ва Свен Ботман, ярим ҳимоячи Верман ва ҳужумчи Коди Гакпога умид боғлай олмайди.
