Хабарингиз бор, ОФК ҳакамлар департаменти директори Йошими Огава Ўзбекистон ва Жанубий Корея терма жамоалари ўртасидаги ўйинни бошқариб борган ҳакамларнинг ҳаракатларини кузатиш мақсадида Тошкентга келганди (Бенжамин Уильямс - ЖЧ-2014га номзод).

Ушбу ташриф давомида Огава ЎФФ Ҳакамлар бошқармаси билан йиғилишлар ўтказди. Икки кун давом этган учрашувларда томонлар Ўзбекистонда ҳакамликни ривожлантириш бўйича муҳим масалалар юзасидан фикр алмашишди. Қуйидаги йўналишларга алоҳида эътибор қаратилди:
- Ҳакамлар қўмитаси ва ҳакамлар бошқармаси ходимларининг функционал вазифалари;
- Ҳакамлар ва ёрдамчи ҳакамлар учун ҳар йили ўтказиладиган семинарлар формати;
- Футбол мактабларида ҳакамларни ўқитиш дастури;
- Футбол федерациясида назоратчилар ва инструкторларнинг роли;
- Назоратчилар учун халқаро стандартлар ва рапорт тўлдириш ва бошқа масалалар.

Учрашувлар давомида Йошими Огава ўзбекистонлик ҳакамларнинг халқаро майдондаги ютуқларини эътироф этди.

Барча масалалар юзасидан томонлар якдил фикрга келишди ва келажакдаги ҳамкорлик юзасидан келишиб олишди.