"ПСЖ"нинг фаол мухлислари мактуб чоп этишди. Улар клуб президенти Носир ал-Хелайфий билан учрашмоқчи.
"ПСЖ" фанатлари бошқа нарсалар қаторида "ҳақиқий йўналишсиз спорт сиёсати, жамоа мувозанати ҳақида қайғурмасдан юлдуз ўйинчиларни сотиб олиш ва маркетингни футболдан устун қўядиган ёндашув"дан норозилигини билдирмоқчи.
Эслатиб ўтамиз, "ПСЖ" яқинда 1/8 финал натижаларига кўра Чемпионлар лигасидан чиқиб кетганди. Кристоф Галтье шогирдлари “Бавария”га икки бор мағлуб бўлишди – ўз майдонида 0:1, меҳмонда 0:2.