Англия терма жамоаси ва «Тоттенхэм»нинг собиқ ярим ҳимоячиси Дэнни Мёрфи Харри Кейннинг келажаги ҳақида ўз фикрлари билан ўртоқлашди.

Ҳужумчининг «шпорлар» билан шартномаси 2024 йилда якунига етади. Миш-мишларга кўра, у келаси ёздаёқ клубни тарк этиши мумкин.

«Ҳозир унинг қолиш ёки кетиш нияти йўқ, деб ўйламайман - ҳаммаси таклифларга боғлиқ бўлади. «Манчестер Сити»да Холанд, «Ливерпул»да Нуньес бор, «Арсенал» ёки «Челси»га ўтиш унинг «Тоттенхэм»даги мухлислари обрўсига путур етказиши мумкин.

Чет эл лигасига ўтиш Ширернинг Премьер-лигадаги голлар рекордини хавф остига қўяди. Менимча, буларнинг барчасини инобатга олган ҳолда, «Манчестер Юнайтед»га ўтиш мумкин бўлган энг реал вариантдир», - дея Мёрфининг сўзларини келтиради MailSport.