"Бавария" ярим ҳимоячиси Жошуа Киммих Юлиан Нагельсманнинг истеъфоси ҳақидаги фикрлари билан ўртоқлашди.
Жума куни Мюнхен клуби расман Нагельсманни ишдан бўшатиб, унинг ўрнига Томас Тухелни тайинлаганини эълон қилди.
“Мураббийни алмаштириш ҳар доим ёмон ҳолат, чунки бу биз, футболчилар, шунчаки адашганимизни кўрсатади. Биз беқарор ўйнадик ва керакли натижага эриша олмадик. Агар ўз даражамизни кўрсатганимизда бу воқеа содир бўлмасди.
Тухель? Мен ҳеч нарса дея олмайман, чунки уни шахсан танимайман”, деди Киммих ZDF нашрига берган интервьюсида.
Юлиан Нагельсманн “Бавария”ни 2021 йилнинг ёзидан буён бошқариб келаётган эди.
