"Манчестер Юнайтед" иқтидорли ҳужумчи трансфери учун маблағ тайёрламоқда.
Гап "Брайтон" футболчиси Эван Фергюсон ҳақида кетмоқда. Football Insider нашри хабарига кўра, "қизил иблислар" скаутлари жорий мавсум кашфиётларидан бири деб аталган 18 ёшли ирландиялик футболчини фаол равишда кузатиб боришмоқда.
"Брайтон"нинг асосий жамоаси таркибида Эван Фергюсон 20 та ўйин ўтказган. Уларда ҳужумчи еттита гол урди ва шерикларига тўртта самарали узатма берди.
Қўшимча қиламизки, бир неча кун олдин Эван Фергюсон Ирландия терма жамоаси сафида илк бор гол урди. Тransfermarkt портали ёш футболчини 10 миллион еврога баҳоламоқда.
