Ҳимоячи Нико Шлоттербек ва ярим ҳимоячи Кай Хаверц Германия терма жамоасига Бельгияга қарши бўлиб ўтадиган ўртоқлик учрашувида ёрдам бера олмайди.
Германия терма жамоаси матбуот хизмати хабарига кўра, Хаверц гриппга чалинган, Шлоттербек эса чап сон мушаклари шикастлангани аниқланган. Ҳар икки футболчи терма жамоа жойлашган жойини тарк этган.
Германия терма жамоаси ва Бельгия терма жамоаси ўртасидаги ўртоқлик учрашуви 28 март, сешанба куни бўлиб ўтади. Учрашув Тошкент вақти билан 23:45 да бошланиши режалаштирилган.
Аввалроқ, Германия терма жамоаси Перуга қарши синов ўйинини ўтказиб, 2:0 ҳисобида ғалаба қозонганди.
