"Лейпциг" ярим ҳимоячиси Дани Ольмо ёзда "Барселона"га ўтиши мумкин.
Mundo Deportivo хабарига кўра, Каталония клуби 24 ёшли футболчидан "Лейпциг" билан 2024 йилнинг ёзида тугайдиган шартномасини узайтирмасликни сўраган.
Манба берган хабарга кўра, футболчининг вакиллари ва "Барселона" ходимлари ўртасида учрашув бўлиб ўтган ва унда "кўк-анорранглилар" футболчи билан текинга шартнома имзолаш истагини билдиришган. Хабарларга кўра, "Барселона" бош мураббийи Хави Эрнандес ушбу трансфер тарафдори.
Ольмо хизматларига каталонияликлардан ташқари "Реал" ва "Бавария" ҳам қизиқиш билдирмоқда.
Ольмо жорий мавсумда барча турнирларда 20 та ўйинда майдонга тушиб, 4 та гол урди ва 6 та голли узатмани амалга оширди. Футболчининг трансфер нархи 40 миллион еврога баҳоланмоқда.
