Бразилиялик футболчи Алекс Сандро келаси мавсумда Туриннинг “Ювентус” клубида қолади. Бу ҳақда Tuttosport нашри саҳифаларида хабар берилди.
Манбанинг қайд этишича, жанубий америкалик янги меҳнат шартномасини олиш учун маошини камайтиришга тайёр. Сандро ва "кекса синьора" ўртасидаги амалдаги шартнома муддати шу йилнинг ўрталаригача ҳисобланган.
“Ювентус”га келсак, клуб раҳбарияти ҳимоячининг келажаги борасида ҳали якуний қарорга келгани йўқ.
32 ёшли футболчи жорий мавсум А Серияда 21 та ўйинда майдонга тушиб, 1 та голли узатмага муаллифлик қилган.
