"Тоттенхэм"нинг бразилиялик ҳимоячиси Эмерсон Роял ўз терма жамоасига омадсиз тарзда қўшилди. 25 март куни бўлиб ўтган ўйинда Бразилия нафақат Марокаш жамоасига ютқазиб қўйди (1:2), балки ҳимоячининг ўзи ҳам жароҳат олди.

Telegraph хабарига кўра, бразилиялик футболчи камида олти ҳафта давомида тикланади, реабилитация жараёнида футболчи операция қилинади. Қайд этилишича, Роял аллақачон клубига қайтган.

Эмерсон “шпорлар” сафида барча турнирларда 32 та ўйинда майдонга тушиб, 2 та гол урди ва 1 та голли узатмани амалга оширди.