"Ливерпуль" фахрийси Жеймс Милнер ҳали клубдан янги шартнома бўйича таклиф олгани йўқ.
37 ёшли ярим ҳимоячининг шартномаси шу йилнинг июнь ойида тугайди ва Юрген Клопп футболчини кейинги мавсумда қолдиришни исташи маълум, чунки у футболчининг тажрибаси, етакчилиги ва кўп қирралилигини қадрлайди. The Athletic хабарига кўра, "Ливерпуль" мураббийнинг илтимосига қарамай, Милнер билан ҳалигача музокараларни бошламади. Футболчининг ўзи ҳам мерсисайдликлар билан ҳамкорликни давом эттиришга қарши эмас.
Жеймс Милнер 2015 йилдан буён "қизиллар" сафида тўп суради. Жорий мавсумда у 32 марта майдонга тушиб, иккита голли узатмани амалга оширди.
