Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив

Микель Артета "Арсенал"даги фаолияти давомида жами 340 миллион фунтлик футболчиларини жамоадан текинга кетказиб юборган. Уларнинг кимлигини биласизми?

Баҳо:
+ | -

"Арсенал"нинг янги даври Артета томонидан бунёд қилинмоқда. Янги жамоа қурар экан, у клуб билан келишган ҳолда бир нечта футболчиларни жамоадан кетишига қўйиб берди. Аммо ўша футболчилар арзон-гаровга келмаган. 2019 йилдан бери Артета қарорлари сабаб клуб 300 миллион евролик футболчилардан айрилди. Уларнинг эвазига эса деярли ҳеч нарса(пул) олмади. Бу рўйхатни тез орада Николя Пепе ҳам тўлдириши мумкин. Клуб тарихида рекорд трансфер бўлган Пепе, ёзда эркин агент сифатида жамоани тарк этиши мумкин. Ҳужумчи 2019 йилда 72 миллион фунт эвазига харид қилинганди. Агар Пепе жамоадан кетса, у ҳолда, "Арсенал"нинг футболчилар борасидаги йўқотишлари қиймати 340 миллиондан ошади. Албатта, бунга асосий сабаб Артета саналади. Масалан, Микель 2019 йилдан бери 10 та футболчини деярли текинга қўйиб юборган.

Месут Ўзил

2013 йилда 42.5 миллион фунтга харид қилинган футболчи, "Арсенал"да етти ярим йил фаолият юритади. "Реал"дан келган Ўзил, жамоада тезда муҳим фигурага айланганди. Германиялик ярим ҳимоячининг шартномаси 2021 йилнинг қишида, муддатидан 6 ой илгари тугатилган. Ўзил "Арсенал" билан 254 та ўйинда иштирок этиб, 4 та кубок ютишда бевосита қатнашди. У жорий йили март ойида футболдан кетганини эълон қилганди.

Пьер-Эмерик Обамеянг

2021 йилнинг декабрида Обамеянгдан сардорлик боғичи олиб қўйилади. У орадан бир неча ҳафта ўтиб, жамоани тарк этади. Ўзил сингари, габонлик ҳужумчи ҳам битимни эрта якунлаб, эркин агент сифатида "Барселона"га йўл олади. Мавсум якунлангач эса, Обамеянг яна АПЛга қайтди. Ҳозир у "Челси" билан.

Александр Ляказетт

Француз ҳужумчиси Александр Ляказетт ўз дўсти Обамеянгдан олти ой ўтиб, клубдан кетади. Ляказетт 2017 йилда "Лион"дан 47 миллион фунт эвазига сотиб олинганди. У ўтган йил ёзда эркин агент сифатида жамоани тарк этиб, яна "Лион"га йўл олди.

Генрих Мхитарян

Арманистон терма жамоаси аъзоси "тўпчилар" сафига "МЮ"дан олиб келинади. Аммо бунинг эвазига "Арсенал" "қизил иблислар" манзилига Алексис Санчесни юборганди. Ушбу воқеадан 18 ой ўтгач, Мхитарян "Рома"га ижарага берилади. "Арсенал" футболчи билан 2020 йилнинг сентябрида битимни муддатидан олдин бекор қилади.

Шкодран Мустафи

Немис ҳимоячисининг шартномаси 2021 йилнинг февралида икки томонлама келишув асосида бекор қилинганди. Мустафи 2016 йилда 35 миллион фунт эвазига сотиб олинади. У "Арсенал" билан иккита Англия кубогини қўлга киритган ва 151 та ўйинда майдонга тушган.

Сократис

Яна бир текинга бой берилган футболчилардан бири Сократис Папастатопулосдир. Ҳимоячи 2021 йилнинг январида "Арсенал"ни тарк этади. Юнон футболчиси тўпчилар сафида 69 та ўйинда кўриниш берган. 34 ёшли ҳимоячи айни дамда "Олимпиакос" сафида ҳаракат қилади.

Сеад Колашинац

Колашинацнинг битими 2022 йилнинг январида муддатидан аввал тугатилади. Ҳимоячи "Марсел"га йўл олганди. Босния термаси аъзоси 118 та ўйинда "Арсенал"га ёрдам берган. 29 ёшли футболчи 2017 йилда "Шальке 04"дан сотиб олинган эди.

Эктор Бельерин

"Арсенал"га узоқ вақт хизмат қилган футболчилардан бири Бельериндир. У 2022 йилнинг сентябрида жамоани муддатидан олдин тарк этганди. Ундан олдинги мавсумни "Реал Бетис"да ўтказган ҳимоячи, "Барселона"га эркин агент сифатида бориб қўшилади. Аммо каталонияликлар сафида унга жой топилмади ва Бельерин "Спортинг"га ижарага бериб юборилди.

Калум Чеймберс

Кўпфункцияли ҳимоячи 2014 йилда "Саутгемптон"дан сотиб олинади. Чеймберс етти ярим йилни клуб билан ўтказди ва 2022 йилнинг январида "Астон Вилла"га эркин агент сифатида йўл олди.

Давид Луиз

"Челси"ни иккинчи марта тарк этгач, бразилиялик ҳимоячи "Арсенал"га йўл олади. Давид Луиз 2019-2021 йилларда тўпчилар шарафини ҳимоя қилганди. Икки мавсум давомида 73 та баҳсда қатнашган футболчи, Англия кубогини қўлга киритади ва мавсум сўнгида жамоани тарк этади.

 

 

 

ИСМАТОВ Ж.

Манба: thesun.co.uk
Киритилди: 10:27, 28.03.2023.
Ўқилди: 5448 марта.
Фикрлар: 1 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.