"Барселона" ярим ҳимоячиси Серхио Бускетс клубдан шартномани узайтириш бўйича таклиф олди, бироқ маълум шартлар билан, деб хабар беради Mundo Deportivo.
Манбага кўра, 34 ёшли футболчининг маоши янги келишувга кўра 75 фоизга - йилига 30 миллион евродан 7-8 миллионгача камайтирилади.
Бускетс - "Барселона" тарбияланувчиси ва ҳозирги сардори. У 2005 йилдан буён клуб таркибида фаолият юритиб келмоқда ва шундан буён асосий таркибда 713 та ўйин ўтказиб, бу кўрсаткич бўйича етакчилардан бири бўлиб турибди.
ОАВ аввалроқ "Барселона" янги ўйинчиларни сотиб олиш учун маошни сезиларли даражада камайтириши кераклигини ёзганди.
