Relevo журналистлари Серхио Сантос ва Алфредо Матилланинг сўзларига кўра, Испания футбол федерацияси (РФEФ) Гавининг миллий терма жамоадаги хатти-ҳаракатларидан норози.
Аввалига 18 ёшли футболчи Испаниянинг Норвегияга қарши уйин олдидан анъанавий дастхат йиғилишига келмади. Футболчи ноқулайлик ва бош оғриғидан шикоят қилган, шу муносабат билан у дам олишни сўраган.
Бироқ, РФEФ Гавини тадбирда иштирок этишга мажбур қилди, бироқ у кейинроқ етиб келди. Бу вақтга келиб унинг жамоадошлари аллақачон автографларни ёзиб бўлишган эди, шунинг учун Гави ҳамма нарсани ёлғиз ўзи бажарди. Ўз вақтида етиб келган Дани Ольмо, Родри ва Хосе Гайа бу ҳолатдан норози эканликларини билдиришди.
Яна бир эпизод ҳам бор эди. Бир неча соат олдин терма жамоа фахрийлари Гавига машғулотларда ўзини жиловлаши кераклигини, чунки унинг ўйин услуби анча хавфли эканлигини тушунтириб беришганди. Мората сардор сифатида у билан гаплашиб, машғулотларда, айниқса, ўйинлар арафасида секинлашиши кераклигига ишонтиришга ҳаракат қилди.
Федерациянинг норозилигига яна бир сабаб бор эди - Гавининг мураббий қарорига бўйсуниш борасидаги хатти-ҳаракати. Норвегия устидан 3:0 ҳисобида ғалаба қозонган ярим ҳимоячи мураббийлар штабига чап қанот ҳимоячиси сифатида ўзини ноқулай ҳис қилаётганини айтди. Бироқ, янги мураббий Луис де ла Фуэнтенинг фикрича, 18 ёшида ярим ҳимоячи ҳали ҳам турли позицияларга мослашмоқда ва у уни ноодатий ролда синаб кўришини хоҳлайди.
Пабло Шотландия билан ўйинни захира ўриндиғида бошлади ва у мураббийлар штабининг бу қарори туфайли яққол жаҳли чиқди.
РФEФ футболчининг хатти-ҳаракатига баҳо беради ва сабабларини таҳлил қилади, чунки улар энг яхши натижаларга эришишни ва биринчи навбатда уни жамоага қўшишни хоҳлашади.
Икки ўйинда 18 ёшли футболчи бор-йўғи 69 дақиқа ўйнади: Норвегияга қарши 57 ва Шотландияга қарши 12 дақиқа.
Сизнингча, Гавининг хатти-ҳаракатларига муносабат керакми?
