Франциянинг L’Equipe нашри Англия Премьер-лигасининг энг кўп маош олувчи футболчилари ҳақида мақола тайёрлади. Шу тариқа, биринчи ўринни ҳафтасига 425 минг фунт маош оладиган "Манчестер Сити" ярим ҳимоячиси Кевин де Брюйне эгаллади.
Иккинчи ўринни Эрлинг Холанд ва Давид де Хеа эгаллади (ҳафтасига 402 250 фунт). Биринчи бешликка Муҳаммад Салоҳ ва Жайдон Санчо (ҳафтасига 373 750 фунт стерлинг) жойлашди.
Шунингдек, Daily Mail нашри хабарига кўра, агар бонус тўловлари ҳам ҳисобга олинса, ўтган ёзда "Манчестер Сити" Дортмунднинг "Боруссия" жамоасидан сотиб олган Эрлинг Холанд биринчи ўринда туради.
