"Манчестер Юнайтед" "Наполи" ҳужумчиси Виктор Осимхен билан ҳужумни кучайтирмоқчи.
“Қизил иблислар” А серия тўпурари бўлиш учун ягона даъвогарлардан эмас, аммо потенциал харидорларнинг ҳаммаси ҳам 24 ёшли ҳужумчи учун керакли миқдорни тўлашга тайёр эмас. Goal хабарига кўра, "Манчестер Юнайтед" "Наполи"нинг талабини бажаришга рози - гап 100 миллион евро ҳақида кетмоқда. Футболчининг ўзи ҳам Англия Премьер-лигасида ўйнашни хоҳлайди.
Виктор Осимхен жорий мавсум неаполликлар сафида 29 та ўйинда майдонга тушиб, 25 та гол уришга муваффақ бўлди. Нигерияликнинг клуб билан амалдаги шартномаси 2025 йилгача мўлжалланган.
