"Manchester Yunayted" "Napoli" hujumchisi Viktor Osimxen bilan hujumni kuchaytirmoqchi.
“Qizil iblislar” A seriya to‘purari bo‘lish uchun yagona da’vogarlardan emas, ammo potensial xaridorlarning hammasi ham 24 yoshli hujumchi uchun kerakli miqdorni to‘lashga tayyor emas. Goal xabariga ko‘ra, "Manchester Yunayted" "Napoli"ning talabini bajarishga rozi - gap 100 million yevro haqida ketmoqda. Futbolchining o‘zi ham Angliya Premyer-ligasida o‘ynashni xohlaydi.
Viktor Osimxen joriy mavsum neapolliklar safida 29 ta o‘yinda maydonga tushib, 25 ta gol urishga muvaffaq bo‘ldi. Nigeriyalikning klub bilan amaldagi shartnomasi 2025 yilgacha mo‘ljallangan.
