"Реал Мадрид" чап қанот ҳимоячиси Ферлан Менди "Қироллик клуби"даги фаолияти давомида барча мусобақаларда 52 та ўйинни турли сабабларга кўра ўтказиб юборди. Умуман олганда, футболчи 312 кун давомида лазаретда қолган. Бу рақамларни Германиянинг Transfermarkt портали тарқатди.
Эслатиб ўтамиз, кеча Менди яна бир жароҳат олди, шу сабабли у камида бир ойни ўтказиб юборади. Чап қанот ҳимоячисининг ўрнини тўлдирадиган Давид Алаба ҳам жароҳатидан тикланишда давом этмоқда.
Менди "Реал"га 2019 йилнинг ёзида Франциянинг "Лион" клубидан ўтган эди. Аввалроқ бир қанча нуфузли манбалар “қаймоқранглилар” раҳбарияти футболчидан кейинги ёзда қутулмоқчилиги ҳақида хабар берган эди.
