Ҳужумкор ярим ҳимоячи Анхель ди Мария келаси мавсумни қаерда ўтказишни истаётганини айтди. Tuttomercatoweb хабарига кўра, тажрибали вингер "кекса синьора" билан янги меҳнат шартномасини имзолашга тайёр.
Манбанинг қайд этишича, ди Мария агар жамоа жорий мавсум якунида еврокубокларга йўлланма олмаса ҳам, Турин грандида қолади. Эслатиб ўтамиз, молиявий қоидабузарликлар туфайли "Ювентус"дан 15 очко олиб ташланганди. Клуб А Серия турнир жадвалида еттинчи ўринни эгаллаб турибди.
35 ёшли вингер жорий мавсум Италияда 17 та ўйинда майдонга тушиб, 4 та гол урди ва 4 та голли узатмани амалга оширди.
