"Реал" ёзда икки "Челси" футболчисини сотиб олишга ҳаракат қилади. Бу нарса эса лондонликларнинг асосий таркибида муаммолар ҳосил қилиши мумкин. Клубнинг янги эгаси Тодд Бёли сўнгги иккита трансферлар ойнасида 500 миллион фунт маблағни футболчи харид қилишга сарфлаганди. Бу нарса ўз навбатида таркиб футболчиларининг сони ошиб кетишига олиб келди. Шу сабабли таркибни мувозанатга келтириш керак. Бунинг учун бир қанча ўйинчилардан воз кечиш зарур. "Реал" эса "Челси"нинг асосий таркибидаги футболчиларга кўз олайтирмоқда.
Аслини олганда, "Челси" ёзда 10 тагача футболчисини сотиши лозим. Хабарларда айтилган, "Реал" радаридаги ўйинчилар номи очиқланмаган. Айримларнинг тахмин қилишича, улар Рис Жеймс ва Кай Хаверцдир.
Жеймс – академия тарбияланувчиси. У дунёдаги энг яхши қанот ҳимоячиларидан бири саналади. Хаверц эса "Челси"да турли хил кўринишларга эга. Лекин 2023 йилда немис ҳужумчиси Поттер ишончига кира олди. Агарда бу футболчилар сотиладиган бўлса, таркиб сезиларли даражада кучсизланади. "Реал" эса "Челси"нинг ҳозирги ҳолатидан хабардор. Жамоа ёзда футболчи сотишга мажбур. "Реал" бу вазиятдан фойдаланиб қолишга ҳаракат қилади. Негаки, испан гигантига қанот ҳимоячиси жуда ҳам керак. Жамоа раҳбариятида бу борада рўйхатдан ҳам тайёр. Ундан Жоау Канселу, Хуан Фойт, Давидe Калабрия ҳамда Рис Жеймслар ўрин олган. Ушбу футболчилар ичида "Реал" учун энг кераги, ҳозирча Жеймс бўлиб турибди.
"Реал"ни бу борада энг қийнайдиган нарса бу Жеймснинг шартномасидир. Футболчи 2028 йилга қадар мўлжалланган битимга имзо чеккан. Бу нарса "Реал" олдидан турган масалани оғирлаштиради. Ҳа, мадридликлар "Челси" тез-тез трансферларни амалга оширади. Эден Азар ва Тибо Куртуа шулар жумласидандир. Аммо бу иккиси "Челси"даги битими 1 йил қолганида кетганди.
"Реал" Кай Хавертцга ҳам даъво қилади. Ҳужумчи "Байер Леверкузен" сафида эканидаёқ "қироллик клуби" радарида эди. Аммо "Челси" уни илиб кетган. Ўшанда инглиз клуби Хаверц учун 71 миллион фунт тўлашга рози бўлади (келажакдаги бонуслар билан бирга). Умумий олиб қараганда, "Реал" Хаверцдан кўра, Жеймсга кўпроқ муҳтожлик сезади.
ИСМАТОВ Ж.
