Грэм Поттер "Челси" бош мураббийлигидан кетди.
Клуб баёнотида айтилишича, 47 ёшли мутахассис ва клуб истеъфо ҳақида биргаликда қарор қабул қилган.
Бруно Сальтор "аристократлар"да бош мураббий вазифасини бажарувчи бўлади.
Поттер 2022 йил сентябрида “Челси”ни қабул қилиб, 5 йиллик шартнома имзолади. Унинг қўл остида жамоа 31 ўйин ўтказиб, 12 ғалаба, 11 мағлубият ва 8 дуранг қайд этган.
"Челси" айни дамда Премьер-лигада 28 турдан кейин 38 очко билан 11-ўринда бормоқда. Жамоа Чемпионлар лигасининг чорак финалига чиққан.
