"Челси"нинг собиқ бош мураббийи Грэм Поттер ўзининг ишдан бўшатилишига жуда хотиржам муносабат билдирди.
Журналист Мэтт Лоунинг ёзишича, англиялик мутахассис бу янгиликдан клубнинг машғулот базасида хабар топган ва унга жуда профессионал муносабатда бўлган.
Қайд этилишича, Поттер “Челси” раҳбарияти томонидан ишдан бўшатилишига рози бўлган. Клуб шу тариқа ишдан бўшатилгани учун 57 миллион евро товон пули тўлаш мажбуриятидан қутулиб қолди.
Эслатиб ўтамиз, клубга Поттернинг ёрдамчиси сифатида келган Бруно Сальтор "Челси"га вақтинчалик бош мураббий этиб тайинланган эди. Испаниялик мураббий аввалроқ Англиянинг “Брайтон” жамоасида футболчи сифатида тўп сурган.