Лиссабоннинг “Бенфика” клубига тегишли бўлган Португалия терма жамоаси ҳужумчиси Гонсало Рамуш Европанинг икки топ-клуби нишонида турибди.
Todofichajes нашри хабарига кўра, 21 ёшли футболчи учун курашда "Реал" ва "Манчестер Юнайтед" клублари тўқнаш келишади. Иккала клуб ҳам ёзги трансфер ойнасида Рамушни сотиб олишга ҳаракат қилади. Потенциал трансфер суммаси 100 миллион евро атрофида бўлиши мумкин.
Португалия чемпионатининг жорий мавсумида ҳужумчи 22 учрашувда 17 та гол урди ва 2 та голли узатмани амалга оширди. Гонсалунинг "Бенфика" билан амалдаги шартномаси 2026 йилнинг ўрталарига қадар тузилган.
