"Бавария" президенти Оливер Кан ҳужумчи Садио Маненинг Мюнхен клубидаги илк мавсуми ҳақидаги таассуротлари билан ўртоқлашди.

Эслатиб ўтамиз, сенегаллик футболчи ёзда Англиянинг "Ливерпуль" жамоасидан "Бавария"га ўтган эди. Яқинда ҳужумчи жиддий жароҳатидан фориғ бўлди. Шу кунгача унинг Германия чемпионатида 6 та гол ва 4 та голли узатмаси бор.

"Садио ҳали ҳам "Бавария"да ўзини қидирмоқда. У раҳбарият ва мураббийдан максимал даражада ёрдам олади. Биз Маненинг фаолиятида ютуқ бўлишини истаймиз. Эҳтимол, у буни тез орада кўрсатади. Мен унинг истеъдодига ишончим комил", - деди Кан Sky 90 билан суҳбатда.