"Барселона" шу ҳафтада Лионель Месси билан музокараларни бошлайди. Бу ҳақда журналист Вероника Брунати ижтимоий тармоқларда хабар берди.
Қайд этилишича, 35 ёшли Месси "ПСЖ" билан шартномани узайтирмайди. Шу тариқа, аргентиналик юлдуз “Камп Ноу”га эркин агент сифатида қайтиши мумкин.
Аввалроқ матбуотда "Барселона" Месси билан янги шартномани молиялаштириш учун ҳомийлар қидираётгани ҳақида маълумотлар тарқаган эди. Каталония клуби, ўзингизга маълум, ҳали ҳам молиявий қийинчиликларни бошдан кечирмоқда.
Эслатиб ўтамиз, Лионель Месси "Барселона"ни 2021 йилда тарк этганди. Ўшанда клуб ҳужумчига янги шартнома таклиф қила олмаганди.
