Мавсум охирида "Реал Мадрид" бош мураббийини ўзгартириши мумкин. Le10Sport хабарига кўра, Мадрид клуби Карло Анчелоттисиз келажак ҳақида кўпроқ ўйламоқда. Манбага кўра, Анчелотти ўрнига устувор номзод сифатида "қаймоқранглилар" ҳозирда "Ливерпуль"ни бошқараётган Юрген Клоппни танлаган.

Қайд этилишича, “Реал” ва Клопп атрофидагилар ўртасида норасмий алоқалар аллақачон бўлиб ўтган. Немис мураббийи "Ливерпуль" билан муваффақиятсиз мавсумни ўтказмоқда, шунинг учун унинг ёзда кетиши вариантини инкор этиб бўлмайди.

Агар "Реал" Юрген Клоппни қўлга кирита олмаса, у ҳолда мадридликлар Зинедин Зидан вариантига ўтади.